Aksidenti i rëndë ndodhi në rrethrrotullimin pranë një qendre tregtare, ku rreth një muaj më parë humbën jetën edhe 3 anëtarë të një familjeje.
Bujar Marku udhëtonte me një automjet tip “Mercedes Benz” nga Elbasani në drejtim të Tiranës dhe rreth orës 4 të mëngjesit kaloi mbi rrethrrotullim duke u përplasur me bordurat mbrojtëse të rrugës.
Fatkeqësisht 31 vjeçari nderroi jetë menjëherë ndërsa për policinë aksidenti është i pashpjegueshëm për shkak se në këtë aks nuk mungojnë sinjalisitikat që paralajmërojnë uljen e shpejtesise dhe devijimin e rrugës.
Për këtë vit në këtë rrethrrotullim ky është aksidenti i 9-të me pasoja për jetën e drejtuesve të mjeteve.
Po sipas burimeve në këtë aks gjatë orëve të natës zhvillohen edhe gara me makina të shpejta ndërsa në të kaluarën policia ka zhvilluar edhe aksione per ndalimin e këtij fenomeni të jashtëligjshem dhe rrezikshem.
Gjatë javevë të fundit numri i aksidenteve në mbarë vendin raportohet në rritje ndërsa ende pa u mbyllur muaji i 7 për këtë vit në rrugët e vendit kanë humbur jetën nga mbi 110 persona.
