Këta njerëz duken të pashpresë e të dorëzuar në kilometrat e radhëve që duket sikur nuk mbarojne por vetem shtohen. Të moshuar, gra shtatzëna, fëmijë e të sëmurë vazhdojnë të qëndrojnë për ditë me radhë në pritje për të kaluar kufirin.
Siç edhe duket në këto pamje, vargu i makinave eshte i pafundme.
Situata në sportele gjithashtu është e mbingarkuar. Familjarët presin në grup, radhën për të kryer procedurat.
Prej katër ditësh Kakavija është shndërruar në vendin e një krize humanitare, ku njerëzit me gjithë shpërndarjen e ushqimeve dhe ujit të pijshëm nga autoritetet vendore dhe forcat e ushtrisë qëndrojnë në pritje në pikun e të nxehtit veror. Ata kërkojnë që situata të marrë zgjidhje sa më parë.
Përveç ndihmës me ushqime edhe ekipe të mjekëve për çdo problematikë shëndetësore, asgjë nuk është zgjidhur për të lehtësuar masat e njëanshme të ndërmarra nga Greqia në pikën e kalimit kufitar të Kakavijës. Në këto kushte, qytetarët kërcënojnë me protesta dhe greva urie.
Edhe me regjimin e ri te berjes se tamponit një në 10 veta, situata nuk është lehtësuar .Një tjetër shkak është edhe vendimi, po i palës greke për të mbyllur pikat doganore të Kakavijës dhe Kapshticës nga ora 10 e mbrëmjes deri në 6 të mëngjesit.
Ministrja e mbrojtjes Olta Xhacka i ka kërkuar qytetarëve që të kthehen mbrapsht ndërsa ende nuk janë të qarta masat që do të ndërmerren.
Ndërkohë konsulli shqipar në Janinë i cili ka udhëtuar në këmbë nga territori grek drejt atij shqiptar, ka konfirmuar për mediat se po negociohet me autorietet e Athines për shtimin e kapaciteteve.
Shkak i kësaj situatë katastrofike, e pa ndodhur më parë në kalimet kufitare mes Shqipërisë dhe Greqisë janë edhe masat e tjera që hyjnë në fuqi të Hënën e 17 Gushtit. Nga kjo datë çdo shtetas që do të hyjë në tokën greke do të karantinohet për shtatë ditë.
për të shmangur këtë detyrim, qytetarët shqiptarë pas pushimeve ne vendlindje janë dyndur të kthehen në vendin ku jetojnë e punojnë para datës 16. Situata duket se do të vazhdojë të përkeqësohet për aq kohë sa autoritetet doganore greke vazhdojnë të procedojnë me thuajse të njëjtat masa mbrojtëse për identifikimin e të infektuarve dhe karantinimit e tyre.
