Albin Kurti deklaroi se lista e Lëvizjes Vetëvendosje do të ketë 110 kandidatë në zgjedhjet e 14 shkurtit.
Kreu i Vetëvendosjes u shpreh i bindur se lëvizja e drejtuar prej tij do të fitojë shumicën parlamentare.
Me vendimin e Gjykatës Supreme, Albin Kurti që kryeson listën dhe kërkon postin e kryeministrit, Albulena Haxhiu dhe Bajram Mavriqi nuk mund të votohen si deputetë në zgjedhjet e jashtëzakonshme.
Megjithatë, Lëvizja Vetëvendosje nuk ka bërë rirenditjen e kandidatëve pavarësisht vendimit të Gjykatës Supreme.