Pasditen e sotme, kreu i qeverisë Edi Rama është ndaluar në Gjirokastër ku ka vijuar me prezantimin e kandidatëve për deputet në zjgedhjet e 11 majit. Shefi i qeverisë kërkoi që më 11 maj asgjë të mos kthehet mbrapa, por Shqipëria të shkojë vetëm përpara.
Kryetemë e diskutimit ishin sërish negociatat për integrimin e vendit në BE. Sipas Ramës shqiptarët e kanë në dorë që më 11 maj të bëjnë historinë.
Rama: Sot dua të përqendrohem vetëm te një temë që besoj është kryefjala përse të gjithë bashkë ne si socialistë, por edhe si shqiptarë duhet ta konsiderojmë 11 majin si një moment historik dhe si një shans për të marrë pjesë në bërjen e historisë. Në gjithë këto vite, kemi bërë zgjedhje ku kemi folur dhe kemi marrë zotime, kemi bërë bilance dhe besoj qoftë edhe një bilanc shumë pozitiv, apo të gjitha arsyet për të qenë të pakënaqur me gjërat që duhet të bëhen më mirë dhe për të qenë ambicion për gjërat që duhen bërë më tutje, me Gjirokastrën… Me rëndësi është se 11 majin e bën një ditë votimi të pazakonshëm sepse bëhet fjalë se ku do të jetë Shqipëria në vitet e ardhshme që përkojnë me mandatin tonë të 4.
Duke vijuar me “thumbat” ndaj opozitës, Rama tha se vetëm PS mund ta çojë para këtë proces.
Rama: Kush do falës me ata (BE)? Bufi i kënetës? Mund ta bënte Luli, por Luli na krijon problem se e zë gjumi. Tani e ngjalla, i bie fyellit në një vrimë, duhet orientuar. Shkurt muhabeti këtë gjë, përtej shakave, mund ta bëjmë vetëm ne. Demokratët duhet t’i bien lapsit dhe ta bëjnë për interesin e tyre, si patriotë për interesin kombëtar, ta kapërcejnë këtë problem që kanë që se duan PS./vizionplus.tv
