Veshur me minifund/ Gjimnazistet franceze sfidojnë ministrin për rregullat e veshjes në shkollë

Me një minifund të veshur dhe me bluza që tregojnë dekoltenë e që nxjerrin barkun jashtë. Kjo është mënyra që kanë zgjedhur adoleshentet dhe gjimnazistet franceze për të protestuar kundër rregullave të vendosura nga ministri për veshjen në shkollë.

Ato kanë sfiduar ministrin e Arsimit Jean-Michel Blanquer duke i quajtur rregullat si seksiste. Gjimnazistet bënë një “selfie” para se të hynin në shkollë dhe e postuan atë në rrjetet sociale.

Ato ftuan vajzat e tjera të shkojnë në klasë të veshura njësoj. Ministri i Arsimit kërkoi nga nxënësit para disa ditësh që të vishen normalisht dhe sipas tij, gjithçka do të shkojë mirë.