Gazetari Marjo Brakaj, i ftuar në Quo Vadis të moderatores Pranvera Borakaj në Vizion Plus, ndërsa po flitej për veshjet fake, tha se Shqipëria renditet si shteti i parë për importin e këtyre veshjeve.
Sipas tij në raportin e Organizatës Botërore të tregtisë, Shqipëria klasifikohet në vendin e parë sa i përket veshjeve fake.
Pjesë nga biseda:
Borakaj: Si ndikon në ekonomi?
Brakaj: Shqipërinë e klasifikojnë në krye të shteteve për numrin më të lartë të veshjeve fake.
Borakaj: Pra shqiptarët janë?
Brakaj: Po Shqipëria ka importin më të lartë të këtyre veshjeve. Janë ato fastfashion, veshje të kategorisë së dytë. Sipas Organizatës Botërore të Tregtisë jemi vendi me vlerën më të lartë të informalitetit.
