Vendimi i gjykatës ka ngjallur zemër të madh te qytetarët indianë. Gjykata ka vendosur që të lirojë nga burgu djalin 17-vjeçar të një biznesmeni, i cili aksidentoi për vdekje dy persona me makinën luksoze të babait të tij.
Të dielën e kaluar djali i biznesmenit Vasgal Agarwal përplasi për vdekje dy 24-vjeçarët Anis Audaya dhe Asini Costa, të cilët lëviznin në një motoçikletë.
Mediat raportojnë se djali i biznesmenit po lëvizte me shpejtësi 200 km/h dhe ishte në gjendje të dehur.
Gjykata ku u dërgua e la të lirë me kusht që 15 ditë të bënte punë publike dhe të shkruante një raport 300 fjalësh “për ndikimin e aksidenteve rrugore dhe zgjidhjen e tyre”.
Të martën policia arrestoi biznesmenin, babain e 17-vjeçarit, pasi i kishte dhënë makinën të miturit, i cili nuk kishte patentë drejtimi.
Oficerët e policisë që kanë marrë përsipër rastin kërkojnë që i mituri të kthehet në gjykatë si i rritur me një zëdhënës të policisë duke thënë se “kushdo që ka ndihmuar të akuzuarin duhet të dënohet ashpër. Fajtorët do të dënohen pavarësisht gjendjes së tyre financiare”.