Partia Socialiste ka reagaur pas vendimit të Gjykatës Kushtetuese, e cila pezullon dekretin e Presidentit Bajram Begaj për zgjedhjet e pjesshme lokale për Tiranën.
Burime për Vizion Plus bëjnë me dije se strukturat e PS në Tiranë po udhëzohen të vijojnë me takimet normalisht.
Në mesazhin drejtuar strukturave PS thekson se pavarësisht vendimit të Gjykatës Kushtetuese puna duhet të vijojë normalisht, pasi vendimi përfundimtar do të jepet më 31 tetor.
Mesazhi:
“Sikurse u theksua edhe mbrëmë, vendimi i sotëm nuk i prek zgjedhjet e 9 nëntorit. Vendimi përfundimtar i Gjykatës do të jepet më 31 tetor.”
Kujtojmë që ditën e sotme Gjykata Kushtetuese vendosi të rrëzojë Dekretin e Presidentit Begaj për zhvillimin e zgjedhjeve për Bashkinë e Tiranës në datën 9 nëntor.
Me 8 vota pro dhe asnjë kundër, gjyqtarët vendosën si masë sigurie pezullimin e dekretit të Kreut të Shtetit për zgjedhjet në Tiranë, derisa të shqyrtohet në themel ankimimi i Erion Veliajt.
