Vendet e Azisë Juglindore i kërkuan sot Koresë së Veriut që të pajtohej me rezolutat e OKB-së dhe me ligjin ndërkombëtar, në përpjekje për të ulur tensionet në rritje në Gadishullin Korean.
Lidhja e Kombeve të Azisë Juglindore (ASEAN) shprehu “shqetësim serioz” ndaj zhvillimeve të fundit në gadishull, ku përfshihen dy teste bërthamore, në 2016, dhe lëshimet e raketave balistike së fundmi.
“Azia është e vetëdijshme që destabiliteti në Gadishullin Korean ndikon në mëyrë serioze rajonin dhe më tej,” thuhej në deklaratën e ministrave të Punëve të Jashtme të bllokut rajonal.
“Azia i kërkon rigorozisht (Koresë së Veriut) të pajtohet totalisht me detyrimet që rrjedhin nga të gjitha rezolutat e Këshillit të Kombeve të Bashkuara dhe ligjin ndërkombëtar, në interest të ruajtjes së paqes dhe sigurisë globale”, shtuan ata.
Gjithashtu, grupi prej 10 anëtarësh i bëri thirrje Koresë së Veriut dhe të gjitha palëve të përfshira të “vetëpërmbahen për uljen e përshkallëzimit të tensioneve dhe për frenimin nga veprime të cilat mund të përkeqësojnë situatën”.
Situata në Gadishullin Korean ka qenë e tensionuar që me kryerjen e dy testeve nukleare dhe lëshimin e një sërë raketave nga Pheniani vitin e kaluar.
Sipas burime zyrtare, administrata e presidentit të SHBA Donald Trump po merr në konsideratë opsione për t’u përballur me programin bërthamor të Koresë së Veriut duke përfshirë edhe pergatitjet ushtarake.
Në mes të një situate të tensionuar, dy anije luftarake japoneze nisën manovrat stërvitore të përbashkëta ditën e dielë, së bashku me një flotë anijesh luftarake të SHBA, duke përfshirë këtu aeroplanmbajtësen ”USS Carl Vinson”, në perëndim të oqeanin Paqësor.
