Kryeministri Edi Rama ka shkuar këtë të hënë për vizitë në familjen e Arjan Salës, 32-vjeçari që humbi jetën mes flakëve në magazinën e një qendre tregtare në hyrje të Tiranës.
Vizita e kreut të qeverisë zhvillohet dy ditë pasi qeveria vendosi ta shpallë “Dëshmor të Atdheut” të riun, i cili u vetëflijua duke shpëtuar jetën e mbi 20 punonjësve. Trupi i pajetë i të Salës u nxor pas tre ditësh.
