Një 32-vjeçar ndërroi jetë ditën e djeshme pasi ran ë kontakt me energjinë elektrike në Divjakë. I riu Xhuljo Shtëmbari me profesion elektriçist ka humbur jetën ndërsa ka qenë duke punuar në riparimin e linjës Mërtish-Gradishtë.
Një ditë pas ngjarjes së rëndë, policia ka vënë në pranga dy persona, të cilët akuzohen se kanë shkelur rregullat e mbrojtjes në punë.
Lexo edhe :
Related Posts
“Shërbimet e Komisariatit të Policisë Divjakë arrestuan në flagrancë shtetasit Xh. H., 60 vjeç, banues në Gradishtë dhe A. P., 57 vjeç, banues në Babunjë. Këta shtetas, përkatësisht elektricistë të OST dhe OSHEE, dyshohet se kanë shkelur rregullat e mbrojtjes në punë, duke mos shkëputur energjinë elektrike në linjën që po riparonte 32-vjeçari”, njoftoi policia.
Ngjarja ndodhi pas një gabimi në komunikim, ku 32-vjeçarit i ishte thënë se kishte stakuar linja.
I riu ka humbur jetën sapo ka rënë në kontakt me energjinë elektrike.
Policia po punon për të bërë zbardhjen e plotë të rrethanave të ngjarjes./vizionplus.tv
