Policia ka goditur tre raste të ushtrimit të aktivitetit të kundraligjshëm të lojërave të fatit ndërsa ka proceduar penalisht katër persona.
Shërbimet e policisë të komisariatit Nr.3 në Tiranë, kanë preoceduar penalisht një 27 vjeçar me inicialet F.Sh.. Siaps policisë, 27 vjeçari ushtronte aktivitetin e lojërave të fatit në lokalin e tij në rrugën “Myslym Shyri”.
Nga kontrolli I ushtruar në lokal, policia thotë se ka sekuestruar në cilësinë e provës material një tavolinë pokeri.
Po ashtu në Berat, policia ka proceduar penalisht shtetasin A.Z., 47 vjeç, nga Poliçani, pasi në subjektin e tij “Bar-Kafe” ushtronte aktivitet pa kasë fiskale dhe lojëra fati (lloto sporti). Në cilësinë e provës materiale u sekuestrua një laptop.
Ndërsa në Elbasan, policia sqaron se ka proceduar penalisht shtetasit I.Ç., 38 vjeç dhe G.Ç., 22 vjeç, nga fshati Vidhas.
Këta shtetas organizonin në subjkektin e tyre aktivitetin e lojërave të fatit. Po ashtu dy shtetasti e mësipërm akuzohen edhe për fshehje të të ardhurave.
