Situata politike në Shqipëri tashmë përveç një çështje e rëndësishme në vend është kthyer një ndër temat më të diskutuara tek ndërkombëtarët.
Këtë të hënë në Real Story, me Sokol Ballën është komentuar në lidhje me reagimet e ndërkombëtarëve për sjelljen e opozitës të cilët kanë marrë kritika të herepashershme.
Reagimi më i fundit pas ambasadës së SHBA-së në ditën e protestës së 16 Marsit, ishte reagimi i ambasadores gjermane Susanne Schütz, në vendin tonë këtë të hënë që kërkon reflektim nga opozita dhe inkurajon ecurinë e reformave më të rëndësishme në vend.
Në një panel analistësh në Real Story është theksuar se situate është delikate dhe se sjellja e opozitës do të ketë kosto të shumta.
Analisti Arian Vasjari e ka cilësuar reagimin e ambasadës gjermane shumë të qartë dhe të saktë.
“Nderkombetarëve u duket një krize e qetë, sepse ata ende nuk kanë instrumente për ta zgjidhur atë. Deklarata e Ambasadës Gjermane është perfekte. Problemi është se cila është kosto që ne duhet te pagujme per te arritur ne nje zgjidhje. Nese opozita bojkoton zgjedhjet, sistemi është ne kolaps.”
Ndërkohë që kryeredaktori i gazetës Liberale, Arion Sulo nga Real Story ka deklaruar se deri më tani sipas tij s’ka ardhur asnjë ndërkombëtar për ndërmjetësim
“Akoma nuk e kemi pare negociaten e vërtetë. Asnjë ndërkombetar nuk ka ardhur deri me tani per te ndermjetesuar. Djegia e mandateve eshte shume me e forte se bojkotimi i zgjedhjeve vendore. Nese do ishin zgjedhje te pergjithshme, atehere do te ishte ndryshe situata.”
Ndërkohë që Alfred Lela është shprehur se opozita zyrtare është ajo që ka dal nga Parlamenti.
