“Reforma në drejtësi u ka kushtuar shumë shqiptarëve”. Kështu deklaroi për emisionin “Quo Vadis” në “Vizion Plus” deputetja e PS, Vasilika Hysi. Sipas saj, kjo është një reformë ndryshe nga të tjerat sepse rezultatet e saj nuk japin ndikim të drejtpërdrejë në ekonomi. Mirëpo sipas saj, me këtë reformë në drejtësi nuk fitojmë financiarisht, por fiton shteti i së drejtës dhe demokracia.
“Po, reforma në drejtësi na ka kushtuar shumë, është ndër faturat më të larta financiare në reformat që janë ndërmarrë, pasi është një reformë e cila ndryshe nga reforma psh në sistemin e energjitikës që e jep produktin pasi qytetarët ndëgjegjësohen, paguajnë, mblidhet borxhi, reforma në drejtësi kërkon një kohë më të gjatë për të dhënë rezultatet e saj, ose që rezultatet e reformës të kenë ndikim drejtpërdrejt në ekonomi, besimin e publikut etj. Nëse do të marrim në vlerësim numrin e institucioneve të krijuara, numrin e punonjësve, nivelin e lartë të pagave që ne kemi adresuar, stafet mbështetëse të cilat në vlerësimin tim nuk janë pak, pavarësisht se drejtuesit e institucionëvë janë të pakënaqur edhe sa herë që kanë ardhur në komisione kanë krijuar më shumë, kjo reformë ka kushtuar, ka kushtuar shumë. Por interesi në ndërmarrjen e kësaj reforme është shumë më madhor sesa ajo që lidhet me aspektin financiar. E para ka të bëjë me funksionimin e demokracisë, shtetin e së drejtës, besimin e qytetarëve te reforma në aksesin në drejtësi. E dyta ka të bëjë me biznesin dhe ekonominë, nuk mund të vijnë investitorët e huaj të investojnë në Shqipëri, nuk mund të ketë një zhvillim, një ndershmëri në zhvillimin e ekonomisë dhe investimeve nëse nuk do të kishte mekanizma që do të garantonin këtë barazi dhe ndërshmëri, konkurrencë ttë ndershme. E treta, mbi të gjitha të mos harrojmë se gjykatat janë institucione të cilat gjykojnë në rastet kur ka konflike dhe kur mjetet administrative nuk kanë funksionuar apo dështuar.”
Vasilika Hysi tha se organet e vetingut kanë një buxhet të konsiderueshëm në dispozicion dhe mjafton vullneti i mirë për të operuar dhe bërë punë.
