Vasili Bici, ish trajner i njohur dhe aktualisht anëtar i Komitetit Ekzekutiv e konsideron këtë kampionat, mjaft interesant. Dyshimeve dhe akuzave nga Tirana në mënyrë të vecante për aleanca, Bici iu përgjigj në emisionin “Kampionet” në Vizion Plus duke thene se trajneret duhet ta përgatisin skuadrën edhe për situata të tilla.
Specialisti i futbollit shtoi se keto fenomene kane ekzistuar historikisht në futbollin shqiptar ndër vit.
“ Jemi duke asistuar në një kampionat interesant, me një gare shumë interesante. Në një garë të tillë trajneret duhet të jenë të përgatitur për të gjitha fenomenet. Edhe aleancat për të cilat aludohen tani kanë qënë edhe më përpara kur unë kam qënë lojtar dhe trajner. Kësisoj ne nuk kemi pse e drejtojme gishtin në këtë aspekt. Secila skuadër ti ndeze motoret që në fillim të sezonit, të japë maksimumin për të marrë rezultatet e kërkuara dhe të mos e lërë veten në dorë të tjereve.”
Për ta ilustruar këtë mendim, Vasil Bici dha edhe nje shembull nga e kaluara.
“Kur isha lojtar luaja me Beslidhjen një ndeshje kundër Labinotit në Elbasan. Ne luanim për mbijetese por Labinoti luajti për Luftëtarin dhe ne ramë nga kategoria. Pra këto gjëra ndodhin. Por unë nuk di të them sot se kush apo si i organizojnë”.
Nderkohe gazetari Lirim Zalla shtoi se disa rezultate kete jave por edhe me heret kane qene te cuditshme, dhe dukej sikur kane qene te bera me dore. Ai shtoi se Tirana mund te jete e sakrifikuara serish e superiores.
