Policia e Devollit ka nisur procedimin penal për dy persona, pasi dyshohet se kanë ushtruar dhunë ndaj bashkëshortes së xhaxhait të tyre.
Blutë e Devollit njoftojnë se të proceduarit penalisht janë D.B 38 vjeç dhe M.B 37 vjeç. Pas denoncimit në polici nusja e xhaxhait është pajisur me urdhër mbrojtjeje.
Njoftimi Policisë
Specialistët për Hetimin e Krimeve të Komisariatit të Policisë Devoll referuan materialet në Prokurori ku filloi procedimi në gjendje të lirë për shtetasit D. B., 38 vjeç dhe M. B., 37 vjeçe, banues në fshatin Sul, Devoll, pasi dyshohet se kanë ushtruar dhunë ndaj bashkëshortes së xhaxhait të tyre, e cila u pajis me urdhër mbrojtjeje.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme./vizionplus.tv/
