Presidenti i Republikës, Bajram Begaj, uroi sot Presidentin e Republikës së Kroacisë, Zoran Milanović, për fitoren e mandatit të dytë në krye të shtetit pas zgjedhjeve presidenciale në balotazhin e së dielës.
“Urimet më të përzemërta për mikun tim, Zoran Milanović, në rizgjedhjen si President i Kroacisë. Shohim përpara për të vazhduar forcimin e partneritetit tonë”, shkruan Presidenti Begaj në mesazhin e urimit në profilin e tij zyrtar në platformën X drejtuar homologut kroat.
Lexo edhe :
Related Posts
Congratulations to my friend Zoran Milanovic on your re-election as President of Croatia!
Looking forward to continuing and further strengthening our partnership. @Ured_PRH
🇦🇱🇭🇷 pic.twitter.com/NU8MjB2zcB
— Bajram Begaj (@BajramBegajAL) January 13, 2025
Presidenti i Kroacisë, Zoran Milanović, fitoi një mandat tjetër të dielën.
Milanoviç, nga partia opozitare Partia Social-Demokrat fitoi rreth 75% të votave përballë kandidatit nga partia në pushtet Unioni Demokratik i Kroacisë.
Roli i Presidentit në Kroaci është kryesisht ceremonial megjithëse kreu i shtetit ka fjalën e tij në politikat e jashtme dhe në çështjet e sigurisë dhe mbrojtjes.
Gjatë viteve të fundit Milanoviç ka përdorur gjithnjë e më shumë retorikë populiste dhe shpesh ka qene kritik ndaj Bashkimit Evropian./vizionplus.tv
