Mosfunksionimi i plotë i ugjencës së re të QSUT-së pas incidentit të 11 shkurtit, u shoqërua me debate në komisionin për Punën, Çështjet sociale dhe Shëndetësinë, ku raportoi edhe ministrja Albana Koçiu.
“Pati një dëmtim në nivel dhome teknike, po bëhen hetimet, pastaj do jemi në gjendje për të thënë kush janë masat që duhet të marrim. Kjo nuk tregon që investimet që janë kryer aty nuk janë investime me standarde. Falë protokolleve në ndërtim nuk kishte dëme në jetë njerëzore dhe përhapje të zjarrit, nuk kemi as dëmtime në infrastrukturë. 30 mln lekë është vlera që i është dedikuar. Përfundon brenda muajit maj, sot fillojnë punimet aty”, tha Koçiu.
Lexo edhe :
Ministrja Koçiu gjithashtu theksoi se i vetmi shërbim që është zhvendosur përkohësisht është Urgjenca Kardiake dhe ajo e Sëmundjeve të Brendshme.
“Bëhet fjalë vetëm për hemodinamikën e ndarë në spitalin Memorial të Fierit, Shefqet Ndroqi dhe Shkodër! Kemi 800 raste të pritura në Shefqet Ndroq, 314 në Fier dhe 67 në Shkodër. Do duhet të theksoj se pranë QSUT merret shërbimi i urgjencës, 900-1000 raste në ditë, nuk është e vërtetë që urgjenca është komplet jashtë funksionit”, u shpreh ministrja.
Qytetarët në vazhdimësi kanë shprehur paqartësi mbi marrjen e shërbimit ndërsa prokuroria e Tiranës vijon hetimet për zjarrin që ra në katin -1 të urgjencës së re në qëndrën spitalore univeristare “Nënë Tereza”, dy muaj më parë. /vizionplus.tv
