Uragani “Dorian” është kthyer në një stuhi të rrezikshme , ndërsa Florida, Xhorxhia, Karoline e Veriut dhe e Jugut kanë shpallur gjendjen e jashtëzakonshme.
Mediat amerikane raportuan se një fëmijë 7 vjeç është bërë viktima e pare.
Ai humbi jetën kur stuhia e fuqishme goditi ishujt Karaibe të Bahamas duke shkatërruar ndërtesa dhe duke sjellë përmbytje të mëdha. Uragani po lëviz ngadalë drejt perëndimit dhe mund të godasë zona të bregdetit lindor të SHBA, ndërsa shpejtësia e erës i ka kaluar 180 km për orë.
Banorët e Bahamasit kanë postuar video ne rrjetet sociale ku shihen se si vërshimet e ujit kanë përmbytur lagje të tëra, ndërsa erërat e fuqishme ka shkatërruar çatitë e shtëpive.
Metereologët kanë paralajmëruar se reshjet e dendura të shiut, erërat e rrezikshme dhe dallgët e larta të shkaktuara nga stuhia, do të vazhdojnë edhe dy ditë të tjera deri sa stuhia të humbasë fuqinë.
Sipas tyre, uragani “Dorian” i cili po godet ishujt Bahamas, do të vijojë rrugën drejt veriperëndimit dhe do të prekë një pjesë të Floridas.
