Klodjan Braho është zgjedhur kreu i ri i SPAK me 7 vota pro.
Ai do të ketë një mandat 3-vjeçar si drejtues i Prokurorisë së Posaçme Kundër Korrupsionit dhe Krimit të Organizuar, duke pasuar në këtë detyrë Altin Dumanin.
Por, gazetari Denis Minga tha në studion e QUO VADIS në Vizion Plus se Klodjan Braho është zgjedhur nga ndërkombatërët që një ditë më parë.
Ai zbuloi detaje nga takimi i Brahos me përfaqësuesin e SHBA-së, i cili sipas gazetarit i kishte shkuar në zyrë dhe e kishte përgëzuar.
Sipas Mingës, Klodjan Braho ka të njëjtën mbështetje nga Shtetet e Bashkuara të Amerikës, siç kishte Altin Dumani.
“Ajo që ndodhi me SPAK-un është një lajm shumë i rëndësishëm dhe do të prekë patjetër politikën. Shqipëria po përfundon atë që është tranzicioni, dhe këtë do ta bëjë SPAK.
Klodjan Braho u zgjodh dje, sepse një përfaqësues i lartë i SHBA-së shkoi në zyrë e përgëzoi. Dhe sot u bë votimi. Ka të njëjtën mbështetje si Altin Dumani, që i vjen nga SHBA-të”, tha Minga në Vizion Plus.
