Kryebashkiaku i qytetit ukrainas të Melitopolit, Ivan Fedorov, i cili u mor peng për gati një javë nga forcat ruse, i ka përshkruar ditët që kaloi, si të vështira dhe të rrezikshme.
“Ishin gjashtë ditë të rrezikshme, sepse e kuptova që për rusët, jeta ime dhe jeta e civilëve vlente zero.”
Pas lirimit, ai rrëfeu se ishte përballur me tortura psikologjike, por jo fizike, dhe se ishin diku te 5 deri në 7 ushtarë rusë që e merrnin vazhdimisht në pyetje dhe zhvillonin biseda me të. Fedorov tha se ushtarët rusë “kishin dashur ta bënin shembull”.