Është përcjellë për në banesën e fundit 14 vjeçari E.Sakaj, trupi i të cilit u gjet i mbytur në brigjet e lumit Seman një ditë më parë.
Ndërkohë, bashkia Roskovec, ka reaguar lidhur me ngjarjen e rëndë, duke hedhur poshtë edhe disa akuzat të ngritura ndaj këtij institucini, se ka përjashtuar nga ndihma ekonomike këtë familje.
Enerida Kuqo, zedhënese e Bashkisë Roskovec
“Bashkia e Roskovevit i shpreh ngushëllime familjes Sakaj për humbjen e parakohshme të djalit të tyre. Në lidhje me akuzat e ngritura në rrjetet sociale, ky është një veprim i turpshëm që individ apo grupe të caktuarae përdorin përinteresat e tyre politike dhe jo politike. Familja Sakaj, konkretisht një nga vajzat trajtohet sot me KEMP paaftësie në masën 11084 lekë.
Një nga djemëve i është ndërprerë KEMP paaftësie që në vitin 2014. Nga informacioni zyrtar, familja Sakaj është trajtuar me ndihmë ekonomike përpara 4-5 viteve dhe për arsye se një nga familjarët është larguar në emigrim, ju është ndërprerë kjo e ardhur nga sistemi. Pas kësaj, ata janë paraqitur për të aplikuar në system për ndihmë ekonomike. Duam të sqarojmë se ndihma ekonomike dhe trajtimi me KEMP paaftësie nuk kanë varësi miratimi nga bashkia, por nga institucione të tjera qëndrore. Megjithatë, Bashkia e Roskovecit, përveç ndihmës financiare që do të japë për mbulimin e shpenzimeve të varrimit, me vendim të këshillit bashkiak do të bëjmë të pamundurën për të përfshirë këtë familje në fondin e 6% të ndihmave ekonomike”.
Trupi i pajetë u gjet rreth 1 km larg vendit ku peshkonte ndërsa kjo është tragjedia e dytë për familjes sakaj, e cila rreth 10 vite më parë kish humbur një tjetër djalë po në brigjet e lumit Seman.
