Në ditën e parë të nisjes të vitit akademik, universiteti “Ismail Qemali” në Vlorë, vendosi të mos i pranojë në auditorë studentët e pavaksinuar.
Të vetmit që u lejuan ishin ata që paraqitën certifikatën e vaksinimit apo testin PCR. Por pavarësisht kësaj, studentët që nuk u lejuan të merrnin pjesë në mësim, u shprehën se janë gati të djegin vitin akademik, pasi nuk do ta marrin injeksionin.
Jo nuk do e bëj, të shoh mos gjejmë një të mesme.
Mes të rinjve të vaksinuar kishte nga ata që e kishin bërë injeksionin me dëshirë, por dhe për shkak të vendimit të autoriteteve.
Burime zyrtare pranë rektoratit të këtij universiteti bën me dije për Vizion Plus, se asnjë prej studentëve të pavaksinuar nuk do të pranohet në seminare e leksione.
Gjatë javës së vaksinimit në universitetin e Korçës nuk janë vaksinuar më shumë se 37 studentë. Shumë studentë nuk janë vaksinuar ndërsa të tjerë thonë sq që e kanë marrë injeksionin për të mbrojtur veten dhe të tjerët
Por pavarësisht pengesave, të gjithë studentët u lejuan që të marrin pjesë në auditor. Sipas rektoratit, universitetet janë autonomë dhe vendimi u takon atyre.
ARTUR ADILI
ZV/REKTOR I UNIVERSITETIT “FAN S. NOLI”Të gjithë do marrin pjesë në mësim. Pse nuk merreni me festën e birrës apo ata që mbushin stadiumet.
Edhe në Elbasan u pranuan të gjithë studentët. Senati i këtij Universiteti vendosi të mos respektojë urdhrin e komitetit të ekspertëve dhe të ministrisë së Arsimit.
Ndërkohë në universitetin Aleksandër Moisiu në Durrës, pavarësisht se studentëve iu kërkua certifikata e vaksinimit ata u lejuan më pas që të merrnin pjesë në mësim. Sipas rektoratit, javën e parë do të ketë tolerim për të gjithë.
E njëjta situatë ishte dhe në universitetin Luigj Gurakuqi në Shkodër dhe “Eqrem Çabej” në Gjirokastër. Në të gjitha universitetet e rretheve studiojnë rreth 40 mijë studentë.
