Policia e Tiranës ka arrestuar një 46-vjeçar, i cili u kap në flagrancë, në hyrjen e një pallati duke vjedhur një biçikletë.
Sipas njoftimit të bluve, i arrestuari, shtetasi F.B, dyshohet se është autori i 12 vjedhjeve të tjera të kryera gjatë muajit qershor dhe korrik.
“Shërbimet e Komisariatit të Policisë Nr. 3, në bashkëpunim me Komisariatet 2 dhe 4, në vijim të punës për goditjen e paligjshmërive në fushën e vjedhjes së pronës dhe pasurisë, kapën dhe vunë në pranga shtetasin F. B., 46 vjeç.
Ky shtetas u kap në flagrancë duke vjedhur një biçikletë, në hyrje të një pallati në rrugën “Kastriotët”.
Gjithashtu, nga veprimet hetimore dyshohet se ky shtetas, gjatë periudhës qershor-korrik 2025, ka vjedhur 12 motomjete elektrike/biçikleta, në lagje të ndryshme të Tiranës”, thuhet në njoftim.
