Më shumë se 130 vetë u vranë në një sulm në një fshat në Mali-n qendror të shtunën nga njerëz të armatosur që mbanin veshjet tradicionale të gjuetarëve Dogon.
Personat e armatosur rrethuan fshatin në agim përpara se të sulmonin njerëzit në shtëpitë e tyre në Ogossagou në rajonin e Mopti.
Sulmuesit kanë synuar pjesëtarët e komunitetit etnik Fulani të cilët akuzohen se kanë lidhje me xhihadistët.
Sulmi ndodhi ndërsa ambasadorët e OKB ishin në Mali për të diskutuar dhunën në rritje.
Misioni i Këshillit të Sigurimit u takua me Kryeministrin Soumeylou Boubeye Maiga për të folur për kërcënimin e rritur nga luftëtarët xhihadistë në Malin qendror.
Viktimat e sulmit vdekjeprurës të së shtunës u “vranë me armë dhe hanxharë”, tha një agjensi lokale e sigurisë për agjencinë e lajmeve AFP.
Dëshmitarët gjithashtu i thanë AFP se pothuajse të gjitha kasollet në fshat ishin djegur.
Kryebashkiaku i fshatit fqinj Ouenkoro, Cheick Harouna Sankare, e përshkroi sulmin si një “masakër”.
Përleshjet mes gjuetarëve të Dogon dhe gjysmë-nomadëve Fulani mund të ndodhin përsa i përket qasjes në tokë dhe ujë.
Gjuetarët Dogon akuzojnë gjithashtu gjysmë-nomadët Fulani për lidhje me grupet xhihadiste.
Por nga ana tjetër Fulanët ngrejën akuza se mbrapa sulmit fshihet ushtria e Malit. Sipas tyre ka qenë ushtria ajo që ka armatosur gjuetarët me qëllim që të sulmonin fshatin e tyre.
Vitin e kaluar, qindra njerëz vdiqën në përleshjet mes gjuetarëve Dogon dhe anëtarëve të grupit etnik Fula.
Të premten, një degë e al-Kaidës me bazë në Mali tha se kishte kryer një sulm javën e kaluar në një bazë ushtarake që la më shumë se 20 ushtarë të vdekur.
Militantët thanë se ishte në përgjigje të dhunës kundër barinjëve Fulani./BBC
