Presidenti turk, Erdogan pritet të inaugurojë te henen aeroportin e ri të Stambollit, për të cilin Qeveria Turke pretendon se do të jetë më i madhi në botë.
Aeroporti, vetëm një nga projektet madhore të Erdoganit ishte planifikuar të hapej plotësisht të hënën, por punimet janë penguar nga disa vonesa dhe greva të punëtorëve për kushte të rënda të punës.
Erdogan ishte zotuar për të finalizuar projektin në vlerë të 12 miliardë dollarëve, që syjon ta kthejë Stambollin në zonë lidhëse mes Evropës, Azisë dhe Afrikës si dhe ta shndërrojë linjën e fluturimeve, Turkish Airlines në gjigant të aviacionit.
Megjithatë ky aeroport tani do të ofrojë fluturime në vetëm 5 vende, derisa të zgjerohet hapësira e hapjes më 29 dhjetor.
Ky aeroport pritet të ketë 90 milionë pasagjerë brenda vitit, dhe kur të gjitha zonat të kompletohen më 2028, të pranojë rreth 200 milionë pasagjerë për 12 muaj.
Fluturimi i parë nga aeroporti ende i paemëruar do të jetë drejt Ankarasë.
Erdogan pritet të prezantojë emrin e ri të aeroportit në ceremoninë e së hënës teksa ka pasur aludime se ai mund te mbaje madje edhe emrin e vete presidentit turk.
