Tensionet në Egje mes Greqisë dhe Turqisë nuk kanë të ndalur. Roja bregdetare turke ka akuzuar atë greke se ka qëlluar një anijen mallrash në Egje.
Sipas palës turke, nuk ka pasur viktima në të shtënat në jugperëndim të ishullit turk Bozxhada.
Nga ana tjetër roja bregdetare greke tha se kishte lëshuar të shtëna paralajmëruese ndaj një anije në ujërat e saj pasi kapiteni i anijes refuzoi inspektuimin. Por i menjëhershëm ka qenë reagimi nga Ankaraja.
Ministri i Jashtëm turk Mevlut Çavushllu gjatë një takimi në Sakarja tha se Greqia duhet të ketë kujdes me veprimet e saja.
MEVLÜT ÇAVUŞOĞLU
MINISTRI I JASHTËM I TURQISË
Ndërsa ne themi se duhet të respektojmë të drejtat e fqinjësisë në të dy anët e Egjeut, Greqia vazhdon të provokojë. Nëse ju filloni një aventurë në emër të të tjerëve, pasojat do t’i vuani sot, si në të shkuarën. Ky është një paralajmërim për Greqinë.
Çavushollu shtoi se Greqia nuk duhet ti hyjë aventurave për interesa të palëve të treta.
MEVLÜT ÇAVUŞOĞLU
MINISTRI I JASHTËM I TURQISË
Prandaj të gjithë duhet të vijnë në vete. I themi veçanërisht Greqisë. Mos u bëni peng i të tjerëve. Mos vazhdoni të provokoni sepse miqësia e Turqisë është e lashtë dhe armiqësia e saj është e rëndë. Kiheni parasysh edhe këtë.
Dy anëtarët e NATO-s historikisht kanë pasur përplasje mes tyre për një sër çështjesh por vitet e fundit retorika luftënxitëse është shtuar nga të dyja palët, pavarësisht thirrjeve nga SHBA dhe NATO për moderim të deklaratave.
