Elbasani po bëhet një nga destinacionet më të preferuara për grupet e apasionuara pas turizmit malor.
Në këtë qytet dhe rrethinat e tij, çdo vit vijnë turistë e të huaj, nga vende si Italia, Skocia dhe Çekia.
Përveç natyrës dhe shtigjeve tërheqëse për alpinizëm, vizitorët njihen edhe me trashëgiminë kulturore të zonës, duke eksploruar kisha të vjetra, shpella dhe fshatra me histori të pasur.
Ky trend i turizmit malor po njeh një rritje të ndjeshme, duke përfshirë të gjitha grupmoshat.
“Trendi është në rritje i qytetarëve shqiptarë, por të huajt normal që kanë vite mos të them dekada që zhvillojnë këtë lloj sporti. Te ne në Shqipëri këto vitet e fundit se ka qenë më parë, por më shumë ekipet sportive, alpinizmi. Sepse mund të them që alpinizmi ka mbi 70 vite eksperiencë në Shqipëri, por ka qenë vetëm sportiv, jo për turistë për qytetarë Në fakt Elbasani është shumë i pasur për turizmin e aventurës dhe ka shumë mundësi për të zhvilluar resurse natyrore për këtë lloj turizmi”, tha Presidenti i Alpinizmit.
Për alpinistët, dashuria për natyrën është kthyer jo vetëm në një mënyrë për të mbajtur trupin në formë, por edhe në një terapi të mirë për mirëqenien e tyre psikologjike.
Për turistët eksplorimi në malet e Shqipërisë mbetet një përvojë e bukur.
Ky grup vendosi të eksplorojë malet e fshatit Dopaj të Elbasanit, ku mes tyre egziston një shpellë e quajtur “Shpella Popaj”, një ndër atraksionet turistike të qytetit. /vizionplus.tv
