Trupat e 7 tifozëve të PAOK-ut që humbën jetën nga aksidenti i rëndë në Timishoara të Rumanisë do të riatdhesohen nesër në Selanik.
Në të njëjtën kohë, një nga tre të plagosurit do të transportohet në Selanik.
Lexo edhe :
Një tjetër i plagosur nuk ka pasur probleme dhe është larguar tashmë nga spitali, ndërsa i treti do të mbetet në Rumani, pasi gjendja e tij shëndetësore nuk e lejon të udhëtojë në këtë fazë.
Sipas informacioneve, ai do t’i nënshtrohet një ndërhyrjeje kirurgjikale sot.
Aksidenti i rëndë ndodhi ditën e djeshme, 27 janar, në Rumani. Shtatë persona, mes tyre një shqiptar, humbën jetën, ndërsa tre të tjerë u plagosën rëndë.
Furgoni me të cilin ata udhëtonin u përplas kokë më kokë me një kamion.
Ata po udhëtonin drejt Francës për të qenë pranë ekipit të tyre të preferuar PAOK.
