Trump refuzon një debat të dytë me Kamala Harris: Nuk ka asgjë për të diskutuar

Donald Trump përjashtoi përfundimisht sot mundësinë e pjesëmarrjes në një debat të dytë televiziv me Kamala Harris, kundërshtaren e tij në zgjedhjet presidenciale të 5 nëntorit.

“Nuk do të ketë debat tjetër”, theksoi manjati republikan në një postim në platformën e rrjeteve sociale Truth Social, duke hedhur poshtë propozimet e CNNi dhe Fox News për të organizuar një debat mes dy kandidatëve për presidencën amerikane.

“Kamala e bëri të qartë dje se ajo nuk do të bënte asgjë ndryshe nga Joe Biden, kështu që nuk ka asgjë për të diskutuar”, tha Trump. /vizionplus.tv