Presidenti amerikan Donald Trump ka kërkuar publikimin e dëshmive nga gjyqi i abuzuesit seksual tashmë të ndjerë, Jeffrey Epstein.
Kërkesa e Trump vjen pas kritikave të shumta dhe aludimeve se firma e presidentit amerikan ishte mes një albumi me foto nudo, dërguar Epsteinit në ditëlindjen e tij të 50.
“Pas sasisë qesharake të publicitetit që i është dhënë Jeffrey Epstein, i kam kërkuar Prokurores së Përgjithshme Pam Bondi të paraqesë çdo dëshmi përkatëse të Jurisë së Madhe, në varësi të miratimit të Gjykatës”, tha Trump.
Ishte gazeta amerikane The Wall Street Journal të cilën Trump ka thënë se do ta padisë, ajo që publikoi për herë të parë një urim të pahijshëm sipas gazetës, i bërë nga Trump, që iu dërgua Epsteinit në vitin 2003 para se të nisnin akuzat për krime seksuale.
Sipas gazetës, urimi i pretenduar i Trump ishte pjesë e një koleksioni fotosh dhe urimesh të pahijshme për ditëlindje që u krijua nga bashkëpunëtorja e Epstein, Ghislaine Maxwell e cila gjithashtu është dënuar për ndihmë ndaj Epstein.
Jeffry Epstein, i cili ishte një nga abuzuesit më famëkeq amerikan, vdiq në një qeli burgu në Nju Jork në vitin 2019, ndërsa priste gjyqin për akuzat për trafikim seksual. Rasti i tij u raportua si vetëvrasje, por vërtetësia e këtij versioni është vënë shpesh në pikëpyetje.
Në sërë personazhesh nga showbizi, politika, biznesi dhe fusha të tjera, besohet të kenë qenë pjesë e festave të shthurura të abuzuesit amerikan në ishullin e tij privat, megjithatë deri më tani nuk është publikuar ndonjë listë më e detajuar apo të dhëna të tjera që vërtetojnë përfshirjen e tyre./vizionplus.tv
