Presidenti i zgjedhur i Shteteve të Bashkuara Donald Trump ka deklaruar se në ditën e parë që ai do të rikthehet në Shtëpinë e Bardhë do të vendosë një tarifë 25% për të gjitha produktet nga Meksika dhe Kanadaja.
Përmes një reagimi në rrjetet sociale, Trump tha se ky vendim vjen për shkak të rolit që këto vende kanë patur në emigracionin e paligjshëm dhe tregtinë e drogave të paligjshme.
Lexo edhe :
Related Posts
“Më 20 janar, në mesin e shumë Urdhrave të parë Ekzekutiv, unë do të nënshkruaj të gjitha dokumentet e nevojshme për të vendosur 25 për qind tarifë ndaj të gjitha produkteve nga Meksika dhe Kanadaja që hyjnë në Shtetet e Bashkuara”, shkruan Donald Trump.
Trump tha se këto masa do të mbeten në fuqi derisa të dy vendet të ndalojnë kalimin e të drogës, veçanërisht të fentanilit dhe refugjatëve në kufirin me SHBA ndërsa foli për tarifa të shtuara edhe ndaj Kinës.
“Ne do të vendosim një tarifë prej 10 për qind ndaj të gjitha produkteve të Kinës që vijnë në Shtetet e Bashkuara të Amerikës, e cila nuk do të hiqet derisa ata të ndalin rrjedhën e drogës”, tha Trump.
Si përgjigje, Kina paralajmëroi Uashingtonin se askush nuk do të fitojë një luftë tregtare.
Përpara zgjedhjeve, Trump ka paralajmëruar edhe Bashkimin Europian për tarifa më të larta. Tarifat e importit të propozuara nga Trump kanë për qëllim efektin e mbrojtjes së industrive vendase nga konkurrenca e huaj duke gjeneruar gjithashtu të ardhura nga taksat edhe për qeverinë./vizionplus.tv
