Një sasi tritoli shpërtheu mbrëmjen e të dielës në një hotel në Sarandë.
Ngjarja ndodhi rreth orës 21:45 minuta në lagjen numër një të qytetit bregdetar.
Lënda eksplozive u vendos në katin e parë të objektit në pronësi të Nevruz Yzeirit, djalit të Pajtim Yzeirit që u ekzekutua mizorisht në vitin 2001 në spanjë.
Nga shpërthimi pati vetëm dëme materiale. Ende nuk dihet shkaku i kësaj ngjarje, ndërsa policia sekuestroi kamerat e sigurisë me qëllim identifikimin dhe kapjen e autorëve.