Kërkimet e tre shkencëtarëve që kanë përmirësuar teknologjinë e baterive janë nderuar me çmimin Nobel për këtë vit. Dy kimistët amerikanë John Goodenough dhe Stanley Whittingham si dhe japonezi Akira Yoshino janë vlerësuar për punën e tyre në zhvillimin e baterive litium jonike ose ndryshe bateritë e rikarikueshme të cilat i përdorim gjerësisht në jetën tonë të përditshme.
“Përmes punës së tyre, laureatët e kimisë së këtij viti kanë hedhur themelet e një shoqërie pa tel dhe pa mbetje të karburantit. Bateritë litium-jonike përdoren globalisht për të fuqizuar elektronikën portative që ne përdorim për të komunikuar, punuar, studiuar, dëgjuar muzikë dhe për të kërkuar njohuri. Ato kanë mundësuar gjithashtu zhvillimin e makinave elektrike me rreze të gjatë dhe ruajtjen e energjisë nga burimet e rinovueshme, të tilla si energjia diellore dhe era.”
Themeli i baterisë litium-jon u vendos gjatë krizës së naftës në vitet 1970. Stanley Whitingham punoi në zhvillimin e metodave që mund të çojnë në teknologji të energjisë pa mbetje të karburantit. Në vitin 1980 John Goodenough e përshtati baterinë në një formë më praktike dhe më të fuqishme ndërsa më pas Akira Yoshino krijoi baterinë e parë të lithium-jonit e cila u hodh në treg prej vitit 1991.
