Tre pacientë humbin jetën nga COVID, bie numri i të infektuarve

Tre qytetarë kanë humbur betejën me COVID gjatë 24 orëve të fundit. Pacientët që ndërruan jetë ishin nga Kavaja, Tirana dhe Durrësi.

Ndërkohë, nga 1,146 testime të kryera janë identifikuar 78 raste të reja pozitive.

Aktualisht në spitalet COVID po marrin trajtim 46 pacientë, nga të cilët 7 janë në gjendje më të rënduar.

Sakaq, janë shëruar 114 qytetarë gjatë 24 orëve të fundit, duke e çuar numrin e të rikuperuarve në 267,197 që nga fillimi i epidemisë.