Një 31 vjeçar është arrestuar në flagrancë nga policia e Lezhës pasi u kap me lëndë narkotike në makinë.
Sipas policisë, shtetasi i arrestuar është me inicialet N.N., nga Tirana.
Ai u kap në aksin rrugor Tiranë -Lezhë, në kthesën e Patokut pasi gjatë një operacioni të zhvilluar nga policia u kap me 3 kilogramë kanabis.
31 vjeçari e kishte fshehur sasinë narkotike në brendësi të një televizori të cilin e kishte në automjet.
Arrestimi I tij u bë falë informacioneve të marra nga qytetarët, të cilët kishin bërë me dije për uniformat blu se një shtetas po transportonte lëndë narkotike nga Tirana në drejtim të Lezhës.
31 vjeçari akuzohet për veprën penale të prodhimit dhe kultivimit të lëndëve narkotike.
