Trajleri del nga rruga, shoferi nuk shikonte dot për shkak të mjegullës

Mjegulla e dendur në aksin Librazhd-Prrenjas ka bërë që një trajler të dalë nga rruga.

Mësohet se mjeti po drejtohej nga Gëzim Hyka, i cili nuk raportohet të ketë marrë dëmtime të rënda nga aksidenti.

Ngjarja ka ndodhur në vendin e quajtur “Kthesat e Dragostunjës”, ku është bllokuar edhe qarkullimi i mjeteve në një anë të rrugës.

Forcat e policisë janë në vendngjarje për të hetuar më tej mbi shkaqet e aksidentit.