Presidenti Donald Trump ka reaguar sërish në lidhje me aksidentin ajror në Uashington, mes një avioni pasagjerësh dhe helikopterit të ushtrisë.
Përmes një postimi në platformën e tij të mediave sociale, Truth Social, Trump shton se helikopteri po fluturonte shumë lart.
Lexo edhe :
“Helikopteri Black Haëk po fluturonte shumë lart, shumë. Ishte shumë mbi kufirin e lejuar. Kjo nuk është vërtet shumë e komplikuar për t’u kuptuar, apo jo?”, shkruan Trump.
Aktualisht, një hetim është duke u zhvilluar për të zbuluar shkakun e përplasjes, dhe një raport paraprak pritet të publikohet brenda 30 ditëve të ardhshme.
Deri më tani janë nxjerrë vetëm 28 trupa të personave që humbën jetën, nga 67 persona që ndodheshin në dy mjetet.
Më herët, në një deklaratë për shtyp nga Shtëpia e Bardhë, presidenti Trump sugjeroi se administratat e mëparshme, të drejtuara nga Obama dhe Biden, kishin ulur standardet për punësimin e kontrollorëve të trafikut ajror duke cituar nismat për diversitetin, barazinë dhe përfshirjen.
Ai tha se anuloi këto nisma përmes urdhrave ekzekutivë që firmosi javën e shkuar.
Aeroporti Kombëtar, Renald Regen i vendosur në jugperëndim të Uashingtonit është një nga më të përdorurit me rreth 800 fluturime në nisje çdo ditë, gjë që po shihet edhe si një nga shkaqet e aksidentit vdekjeprurës. /vizionplus.tv
