Një ngjarje e rëndë është regjistruar mbrëmjen e kësaj të premteje në Gramsh. Katër persona janë mbytur në Liqenin e Hidrocentralit të Banjës. Viktimat janë tre nga e njëjta familja, babai me dy djemtë dhe kushëriri i tyre.
“Në Liqenin e Hidrocentralit të Banjës në fshatin Drizë të Gramshit, dyshohet se shtetasit A.Z, rreth 46 vjeç, R.Z, 19 vjeç, E.Z, 14 vjeç , (babai me dy djemtë) dhe kushëriri i tyre shtetasi M.Z, 20 vjeç, sipas deklarimeve të familjarëve janë futur në liqen për tu larë dhe nuk kanë dalë më”, njofton policia.
Ende nuk dihet saktësisht motivi i kësaj tragjedie. Trupat e pajetë po kërkohen nga polumbarët e RENEA-s.
