Policia ka finalizuar me sukses operacionin e koduar “Metoda”, duke goditur një rast të trafikimit të armëve të zjarrit nga Shqipëria drejt Mbretërisë së Bashkuar.
Operacioni u zhvillua nga Komisariati i Policisë Nr. 3 në Tiranë, në bashkëpunim me Drejtorinë Vendore të Policisë Shkodër, pas informacioneve të siguruara në rrugë operative.
Lexo edhe :
Related Posts
Gjatë kontrollit të ushtruar në një kamion në zonën e “Bulevardit të Ri” në Tiranë, u zbulua një armë zjarri pistoletë me silenciator, e ndarë në pjesë dhe e fshehur brenda një televizori, me qëllim për ta kaluar jashtë vendit pa u zbuluar.
Policia arrestoi dy shtetas nga Shkodra:
J. S., 26 vjeç
S. M., 20 vjeç
Ndërsa u shpall në kërkim R. A., 20 vjeç, gjithashtu nga Shkodra.
Të dyshuarit vepronin në bashkëpunim me njëri-tjetrin dhe kishin si destinacion për armën Anglinë, ndërkohë që drejtuesi i kamionit, sipas policisë, nuk kishte dijeni për ngarkesën e fshehur.
Vijojnë hetimet për dokumentimin e plotë të aktivitetit të grupit kriminal, pasi dyshohet se ata mund të jenë të përfshirë edhe në trafikimin e armëve të tjera. Po punohet gjithashtu për identifikimin e personave të tjerë të përfshirë.
Materialet i kaluan Prokurorisë për veprime të mëtejshme.
/vizionplus.tv
