Ish-presidenti Bamir Topi, pasditen e kësaj të enjte është takuar me kreun e shtetit, Ilir Meta në kuadër të krizës politike në vend për Gjykatën Kushtetuese.
Në fjalën e tij Topi është shprehur se zgjidhja e krizës nuk vjen nga aktorë jashtë institucionale duke e cilësuar përplasje të paprecedentë.
Ai është shprehur se ato janë në gjendje të japin vetëm mendime në këtë stad ku janë skanë asgjë tjetër në dorë.
“Ish presidentët, duke marrë në konsideratë edhe të tjerët nuk janë aktorë institucionalë. Patjetër mund të jepet një mendim po zgjidhja nuk mund të vijë nga aktorë jo institucionalë. Do e kisha shumë të vështirë të flisja sot në prill 2008. Sot jemi në këtë gjendje si pasojë e prillit 2008. Sot historia e përplasjeve institucionale është e trishtë. Është përplasja më e paprecedentë. I gjithë ai pushtet që ndryshoi në favor të mazhorancave politike prishi ekuilibrat politikë. Edhe kur shkojnë në parlament është pushteti i kryeministrit. Duhet të ketë balancë të institucioneve. Nëse e kanë quajtur këtë institucion honorifik, mua më rezulton të jetë kthyer në atavik (të parëndësishëm). Palët duhet të gjejnë arsyen dhe vullnetin për t’i dhënë një zgjidhje që nuk ka të bëjë me pushtetin personal. Gjërat nuk mund të shkojnë mbarë kur ka përplasje. Duhet t’i japim vend institucionin më të rëndësishëm. Aty ku është shpresa më e madhe për të bërë diçka ne e rrëzojmë. Në kushtetutë është qe qartësuar: Kur një qeveri nuk formohet, presidentit i lind një detyrim kushtetues por edhe dy rrethana të tjera që nuk i ngjajnë situatës ku jemi sot”.
