17 pjestarë të stafit mjekësor në spitalin e Fierit të cilët ishin vetëizoluar, për fat të mirë nuk janë prekur nga koronavirusi.
Ndonëse lajmi ende nuk është konfirmuar nga autoritetet shendetësore, burime për Vizion Plus në Fier bëjnë të ditur se analizat për mjeket, infermiret dhe sanitaret tashmë kanë dalë dhe fatëmirësisht janë të gjitha negative.
17 anëtarë të personelit mjekësor në Fier ishin veteizoluar për shkak se një grua 61 vjece e cila doli pozitiv ne testin e COVID-19 nuk I kishte treguar mjekeve se kishte ardhur nga Italia.
Për këtë arsye nisur nga dyshimet se mund të ishin infektuar, stafi mjekesor është veteizoluar deri në daljen e përgjigjeve, të cilat me siguri do të bëhën zyrtare në daljen e zakonshme për mediat të mërkurën në mesdite.
