Tjetër krim i rëndë në Shqipëri/ 63-vjeçari në Berat vret 42-vjeçarin pas një sherri mes tyre

Nuk kanë fund lajmet tronditëse këtë të martë në Shqipëri. Pas vrasjeve në Durrës dhe Tiranë, një tjetër lajm tragjik vjen nga Berati.

Pas një sherri për motive të dobëta,Kristo Mema, i cili kishte edhe një gjeneralitet të dytë 63 vjeç ka goditur me mjet prerës shtetasin Keli Hoxha 42 vjeç, banues në Tiranë, i cili ka humbur jetën.

Lexo edhe :

E marta e krimit në Shqipëri / Tre vrasje me thikë në pak orë, shkaku një “fjalë goje”

Vrau me thikë turistin për një kalë, arrestohet autori në Berat

Njoftimi:

Rreth orës 15:10, në lagjen e Kalasë, shtetasi K. M., alias K. H., 63 vjeç, banues në lagjen “Barrikadë”, Berat, dyshohet se gjatë një konflikti për motive të dobëta ka goditur me mjet prerës shtetasin K. H., 42 vjeç, banues në Tiranë, i cili ka humbur jetën.

Shërbimet e Policisë janë vënë në ndjekje të autorit dhe po kontrollojnë zonën për kapjen e tij.

Grupi hetimor vijon punën për përcaktimin e rrethanave dhe dokumentimin e plotë të ngjarjes.