Është hedhur në Nion të Zvicrës shorti i raundit të parë të Championsit League ku ekipi kampion i Shqiperise, Tirana ka mësuar kundërshtarin ne fazen e parë. bardheblutë do të përballen me Dinamo Tbilisi, ekipin kampion te Gjeorgjise.
Ndeshja do të luhet pa praninë e tifozeve në Gjeorgji, mes datave 18/19 gusht dhe orari do të përcaktohet në një moment të dytë nga UEFA.
Sipas rregullores, ndryshe nga herët e tjera, prej pandemisë së COVID-19 ndeshjet nuk do të jenë vajtje-ardhje por teke, pra gjithcka do të vendoset me vetëm një takim.
Fituesit e çifteve do kalojnë në raundin e dytë të Champions, ndërsa humbësit në raundin e dytë të Europa League. Tirana dhe tekniku Egbo e njohin mirë kundërshtarin pasi janë përballur në vitin 2003, në të njëjtin raund të ligës së kampionëve.
