Pas presidentit të Francës, Emmanuel Macron, kryeministrit të Polonisë, Donald Tusk, edhe presidentja e Komisionit Evropian, Ursula von der Leyen, ka dalë në krah të Presidentit ukrainas, Volodymir Zelensky pas përplasjes që ky i fundit pati në “Shtëpinë e Bardhë” me Donald Trump.
Me anë të një postimi në rrjetin social “X” von der Leyen shkruan se është në anën e Ukrainës.
“Ji e fortë, ji e guximshme, ji i patrembur. Ti nuk je kurrë vetëm, i dashur President Zelensky. Ne do të vazhdojmë të punojmë me ju për një paqe të drejtë dhe të qëndrueshme”, ka shkruar ajo në X.
Your dignity honors the bravery of the Ukrainian people.
Be strong, be brave, be fearless.
You are never alone, dear President @ZelenskyyUa.We will continue working with you for a just and lasting peace.
— Ursula von der Leyen (@vonderleyen) February 28, 2025
Kujtojmë se diskutimet e ashpra mes Presidenti Donald Trump dhe Presidentit të Ukrainës Volodymyr Zelensky u bënë shkak për anulimin e një konference të përbashkët për shtyp të dy udhëheqësve si dhe tërheqjen e projekt-marrëveshjeje mbi mineralet, mbi të cilët palët kishin rënë dakord pak ditë më parë.
Zelensky u largua nga Shtëpia e Bardhë pas debatit të nxehtë, ku Trump e akuzoi presidentin ukrainas për mungesë respekti ndaj Shteteve të Bashkuara, ndërsa ky i fundit sfidoi udhëheqësin amerikan për zbutje të qëndrimit ndaj Presidentit rus Putin.
