Tetë skiatorë humbin jetën në Kaliforni, i mori orteku para
Tetë skiatorë që u rrëmbyen nga një ortek në Kaliforni të SHBA-ve të martën, u gjetën të vdekur sot (18 shkurt), ndërsa ekipet e shpëtimit janë ende duke kërkuar për një person të zhdukur, njoftuan autoritetet lokale.
Orteku rrëmbeu 15 skiatorë në Castle Peak, një majë mali në Sierra Nevada veriore. Gjashtë prej tyre u shpëtuan disa orë më vonë.
Sherifi i Qarkut të Nevadës, Shannan Moon, njoftoi sot në një konferencë për shtyp se “tetë nga nëntë skiatorët e mbetur janë gjetur të vdekur”.
Ai shtoi se “po bëhen kërkime për një anëtar tjetër të grupit, të fundit, fati i të cilit është ende i panjohur”.
Kalifornia është përballur me një valë të fortë moti të keq që nga e diela, e cila ka shkaktuar reshje të dendura shiu në Los Angeles (jug) dhe reshje të dendura dëbore në male.
