Deputetja e PS, Lindita Nikolla ka bërë një bilanc paraprak të situatës të post tërmetit.

 

E ftuar në studion e emisionit të mëngjesit “7pa5”, në “Vizion Plus”, Nikolla tha se rreth 14 mijë qytetarë janë akomduar deri më tani nga qeveria. Ajo tha gjithashtu se qeveria është në një proces deçiziv pune pasi teksa grupet e ekspertizës po shkojnë drejt vlerësimit final të dëmeve po punohet nga ana tjetër edhe për rindërtimin e banesave të dëmtuara nga tërmeti.

 

“Është ende herët për të thënë bilancin përfundimtar për sa kohë grupet e verifikimit dhe vlerësimit të dëmeve janë ende duke punuar në terren. Megjthatë mund të themi që janë rreth 14 mijë qytetarë që janë akomoduar. 4100 e diçka në hotele 7200 në çadra pjesa tjetër në palestra dhe një pjesë në Kosovë. Ky është një proces I vështirë, por është e rëndësishme të themi që ka kaluar ai momenti i parë që kishte të bënte me akomodimin, kushtet e emergjencës të plotë të qytetarëve banesat e të cilëve u dëmtuan rëndë nga tërmeti. Por patjetër që jemi në moment decisive të vlerësimit final të dëmeve nga grupet e ekspertizës sigurisht me një process tjetër paralel që qeveria po punon siç është ai i rindërtimit të banesave.”

 

Nikolla shpjegoi edhe procesin e lirimit të hoteleve nga banorët e prekur nga tërmeti. Deputetja e PS nënvizoi se në të tre qarqet banorët pas largimit nga hotelet  do të marrin bonusin e qerasë dhe do të strehohen në banesa të ndryshme deri në momentin që shtëpitë e tyre të rindërtohen.

 

“Është një process që ka filluar në të tre qarqet; me bonusin e qerave njerëzit banesat e të cilëve u dëmtuan rëndë nga tërmeti, u ofrohet bonusi I qerasë për të lëvizur në banesa me qera. Ndërsa momenti tjetër ka të bëj me shpejtësinë me të cilën po punohet për ndërtimin e shtëpive të reja, kryesisht në zonat rurale, pra në fshat. Atje ku dhe banorët po jetojnë me çadra për faktin se nuk duan të largohen nga pasuritë e tyre. Dhe nga ana tjetër dhe projektimi i lagjeve të reja që do të bëhen në Tiranë, Laç dhe në Durrës. Kjo kondidicionhet dhe me ndihmën që komuniteti Europian por jo vetëm, po japin për Shqipërinë.”

 

Sa I takon akuzave të bëra nga opozita, Nikolla nuk pranoi që të jepte një përgjigje. Ajo tha se qeveria ka një plan të detajuar për zonat e prekura nga tërmeti dhe se do e realizojë atë me mbështetjen e komunitetit europian, por jo vetëm.

 

“E rëndësishme është që qeveria ka detajuar një program të posaçëm. Prioriteti I prioriteteve është kapërcimi dhe procesi I rindërtimit. Kemi një mbështetje të madhe të donatorëve dhe të miqëve të Shqipërisë pa folur edhe për bashkombasit tanë që kudo që janë treguar solidarë në këtë procedurë.”

Leave a Reply

Your email address will not be published.