Vëlla e motër kanë rënë në prangat e policisë së Elbasanit pasi u kapën duke vjedhur në një magazinë.
Shtetasit e arrestuar janë Nj.H., 52 vjeç dhe S.H., 41 vjeçe banues në Elbasan.
Këta shtetas kanë tentuar të vjedhin një magazinë ushqimore në pronësi të shtetasit E.B., por gjatë tentativës janë pikasu nga qytetarë të cilët kanë njoftuar policinë.
Pas marrjes së njoftimit uniformat blu kanë ndërhyrë duke bërë të mundur arrestimin në flagrancë të dy shtetasve.
Por gjatë shoqërimit shtetasja S.H., nuk i është bindur urdhërit të punonjësve të policisë pasi ka thyer xhamat e dritares së dhomës së shoqërimit.
Dy të arrestuarit akuzohen për veprat penale, “Vjedhja” e kryer në bashkëpunim e mbetur në tentativë, si edhe “Shkatërim i pronës” dhe “Mosbindja ndaj urdhrit të punonjësit të policisë së rendit publik”.
