Policia e Elbasanit ka parandaluar një ngjarje kriminale brenda familjes.

 

Përmes një njoftimi për shtyp, blutë bëjnë me dije se shtetasi A. L., 48 vjeç, kërcënonte bashkëshorten e tij se do e vriste me sëpatë.

 

Menjëherë, pas marrjes së njoftimit, polcia ka shkuar në vendngjarje, ku edhe ka bërë të mundur arrestimin e 48-vjeçarit.

 

Po ashtu, policia bëri me dije se për burrin kishin siguruar informacione  se në fshatin Vreshats kishte kiltivuar bimë narkotike.

 

Nga kontrollet e ushtryara, u gjetën dhe sekuestruan rreth 40 fidanë kanabis.

 

Elbasan/Parandalohet një ngjarje e mundshme kriminale në familje.

 

Kërcënonte bashkëshorten se do ta vriste me sëpatë, ndërhyrja e menjëhershme e Policisë parandalon ngjarjen e mundshme kriminale.

 

Në kuadër të operacionit “Momenti”, u vu në pranga 48-vjeçari.

 

Sekuestrohet një sëpatë, një përforcues grushti dhe 40 fidanë narkotikë cannabis sativa të kultivuar nga 48-vjeçari, në pronën e vet.

 

Shërbimet e Rendit dhe ato për Hetimin e Krimeve të Komisariatit të Policisë Elbasan, sapo kanë marrë njoftim se në lagjen “Vullnetari”, një shtetas kërcënonte bashkëshorten e tij se do ta vriste me sëpatë, kanë organizuar punën dhe në kuadër të operacionit policor të koduar “Momenti”, kanë ndërhyrë menjëherë për të parandaluar një ngjarje të mundshme kriminale, në këtë familje.

 

Si rezultat i ndërhyrjes së Policisë, u arrestua në flagrancë shtetasi A. L., 48 vjeç, banues në Elbasan.

 

Në vijim të hetimeve të thelluara për veprimtarinë kriminale të këtij shtetasi, u sigurua informacion se 48-vjeçari, në një parcelë në pronësi e tij, në fshatin Vreshats, kishte kultivuar fidanë narkotikë.

 

Në bazë të këtyre informacioneve, janë organizuar kontrolle në këtë pronë ku janë gjetur dhe asgjësuar 40 fidanë narkotikë cannabis sativa që dyshohet se ishin kultivuar në kubikë, nga shtetasi A. L.

 

Shërbimet e Policisë sekuestruan në cilësinë e provës materiale, sëpatën me të cilën shtetasi A. L. kanoste bashkëshorten, një  përforcues grushti, si dhe disa nga fidanët narkotikë, pasi pjesa tjetër e tyre u asgjësua nëpërmjet djegies.

 

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

Leave a Reply

Your email address will not be published. Required fields are marked *