Rreth 20 ushtarë indianë janë vrarë në një përleshje të armatosur me forcat kineze, përfshirë edhe një kolonel. Ndërkohë, Kina ka deklaruar 43 të plagosur.
Beteja mes dy palëve shpërtheu përgjatë vijës kufitare që ndanë këto dy vende, në luginën Galwan në Veri të Ladakh.
Fillimisht u raportua për dy të vrarë. Mirëpo, ushtria indiane raportoi mbrëmjen e së martës për 20 ushtarë që kanë humbur jetën në betejë.
Ndërkohë, autoritetet kineze nuk kanë thënë se sa ushtarë kanë ndërruar jetë gjatë përplasjes, duke publikuar vetëm numrin e të plagosurve.
Thuhet se ushtarët sulmuan njëri-tjetrin me shkopinj dhe mjete të tjera të forta. Kjo është përplasja e parë me viktima në zonën kufitare në të paktën 45 vite.
